أنا ارضي ذمتك - على حزين ---------------------------- أنا ارضي ذمتك عن نفسك , أنت من نفسك مش مكسوف , غيبت عقلك , ونسيت ربك ومش مكسوف ***** يا ابن ادم أخرتها إيه غير حفنة تراب وذكري جميلة هـ تسيبها بين الأحباب وتروح هناك هـ تلاقي عملك قدامك مكتوب وتلاقي يا ابن ادم الحساب العمر واحد , والرب واحد واتعددت الأسباب وكل شيء مكتوب ومحسوب وعليك مقدر ومكتوب ومسجل في كتاب ولكل واحد منا له اجل ولكل واحد له كتاب فسبحان ربك مسبب الأسباب ***** يا للي غواك الشيطان وضحك عليك بالجمال روح الترب بص وشوف هـ تلاقي الجمال مرمي في التراب والعظم مكشوف اسمع كلام ربنا المعبود وتمعن في الحروف لما قال خلقك من تراب والي تراب تعود والدنيا فانيا ولا تساوي جناح بعوض والكل في ألوح مكتوب ******* أبوي ربك رب غفور وستار كمان للعيوب عصيته كتير وسترك واجترأت عليه بالذنوب وقفلت الباب , وأمهلك يمكن تتوب , وتبطل ذنوب وتقول يا رب يا علام الغيوب وتقول يا رب , أنا بحبك أنا غلطت اغفر لعبدك , اغفر لعبدك وسامحني سعتها ربك يفرح بيك ويحبك لما تتوب ولكلٍ اجل كتاب
----------------------------- بقلم / على حزين