بلبل وصاحبة الجلالة.. بقلم / سعيد الشربينى ............................ ياه اظن اننى تأخرت اليوم عن ميعاد القطار .الساعة الان تقترب من السا دسة وعشر دقائق وباقى عشر دقائق ليقلع القطار متوجهآ الى القاهرة . لن استطيع التغيب عن الجريدة اليوم . لابد أن اسرع للحاق به . ولكن كيف ؟ المسافة بينى وبين محطة القطار تحتاج الى ثلث ساعة مهرولآ تقريبآ للحاق بالقطار وربما لااستطيع. ليس امامى خيار آخر .هه هه آه الحمد لله قد وصلت المحطة وأخذت سلمها قذفآ وعدوآ واحدة تلو الاخرى وها انا الان على الرصيف رقم واحد المتجه الى القاهرة . ياه ايه كل الناس دى الرصيف زحمة كدا ليه لايوجد متسع لقدم .فيه ايه ماذا حدث .؟! ,وما هذا الضجيج والهمهمة التى لاافهم منها شيئآ أنه يشبه الصخب . فلابد من سؤال أحد علشان افهم الحكاية ...لوسمحت يا استاذ هو فيه ايه ؟ وايه كل الناس دى والزحام ده ؟ قائل: ايه يا عم انت مش من هنا ولا ايه .كا لعادة قطار الساعة ستة وتلت متأخر والناس دى كلها مسافرة علشان تروح شغلها وحلهم واقف ومستنين القطار وزى ما انت شايف وسامع عمالين يسبوا ويلعنوا . اهو الحمد لله القطار وصل جهز نفسك للحرب علشان تعرف تخش او تلاقي مكان فى البوفيه حتى اذا عرفت او فوق الشبكة أو حتة فاضيه على الارض جنب الباب . حاسب يا عم دراعى هينكسر آ ى يا رجلى حاسب يا عم انت البنطلون هيتقطع . يادى النيلة فردة الجزمة وقعت .المهم الحمد لله عديت على خير ودينى اهو جالس على حتة خشبة فى البوفيه وهى فرصة نزوغ من الكمسرى احسن العملية خربانة . داخل البوفيه المتهالك تجمع مجموعة من الناس من الواضح انهم جميعآ يعرف كلآ منهم الاخر مما يؤكد أنهم منذ زمان بعيد وهم على هذه الحالة وانا الوحيد الغريب بينهم . فحتى لااشعر نفسى بذلك والفت انظارهم لى اسرعت فى تبادل اطراف الحديث معهم . يا صباح الفل يا بهوات .نهاركم عسل بالصلاة على النبى ...ايه الحلاوة دى والجو اللى زى العسل ده بسرعة طلعتم فطار وشاى وافترشتم الارض وكلكم بتكلوا سوا ايه الجمال والروعة دى انتم كده من زمان . رد قائل سيبك يا عم من الكلام ده وتعالى افطر معانا الاول علشان يكون عيش وملح انت اول مرة تشرفنا فى البوفيه . بسم الله ..مد يا عم ايدك مش تتكسف كلنا واحد وكل الناس دى موظفين اللى فى المترو واللى فى شركات واللى فى السكة الحديد يعنى كلنا ولاد تسعة . انت مين بقى حضرتك ؟ انا فلان .. وشغال صحفى فى الجريدة .... وكل يوم بسافر فى القطار ده وفى نفس الميعاد بس بركب المكيف ولكن النهارده علشان الزحمة معرفتش اوصل للعربية فأسعدنى الحظ وركبت معاكم .علشان كمان اكل معاكم عيش وملح وعلى فكرة انا معنتش راكب المكيف وكل يوم هركب معاكم . رد قائل: تشرفنا يا باشا وهو نحكيلك عن بلا وينا ومشاكلنا يمكن نلاقي لها حل على ايدك كل شىء بسبب . ويمكن تكون انت سبب فلى حل بعض مشاكلنا . بس كده انا تحت امركم .. رد قائل : اشرب الشاى وبعدين نتكلم .. ثم اخذ القطار الذى كان مسرعآ منذ لحظة انطلاقه يهدئ من روعه رويدآ رويدآ حتى توقفت عجلاته بالمحطة ( سيدة ) جميلة تشبه البلبل صوتآ وجمالآ وخفة ظل ..خمرية اللون متوسطة القامة ملفوفة القوام خدودها تملأها الحمرة فهى تشبه التفاحة وسط عبق الريف . قائلة : صباح الخير يا اولاد ازيك يا عم فلان وانت يا ولاد يا فلان مراتك عمله ايه .اسكت يتك خيبه هو انت تعرف تعمل حاجة اتلهى هههههه . رد قائل: صباح الخير يا بلبل . نعرفك بالضيف الجديد .الباشا اسمه /.. وهو شغال ( صحفى ) .قالت:اهلآ بك يا استاذ نورت البوفيه ..وما منى الا اننى وجدت عينى تحتضن عيونها وتعانق يدها ..اهلآ بك .. وحتى نلتقى لكم منى التحية تحريرآ فى/ 5 / 10 / 2016