بوح الغرام - مليكة بوكرين

لله نسألكم يا هل الغرام حروفي تقاسي من شلا اهوال بغات تبوح ليكم و يرتاح البال عندي شلا اقوال خذوها مني امثال آش الداك للغرام آرسي في گلبي شاعلة العوافي نعوم في بحرو و ماني عوام في نص الطريگ تهرس مجدافي نبات هايمة في خلا خالي و الغرام ما شفق من حالي نسولكم يا هل الغرام واش گاع الناس بحالي يا البايعني بسوم رخيص أنا ما نسوى ثمن بخيص أنا عز النسا فخامة بيا تزيان اللامة من راسي تتفرق الفهامة ما نطق غير بلسان الحكمة و الصدق عندي بالجملة نحافظ على العهد و نوفي الكلمة ياهل الغرام واش أنا نتلام أنا النية الصافية ماشي علام حروفي مكتوبة باقلام هداتها ليكم مجدوبة سر الكلام مليكة بوكرين