مالك يا هاد الزمان - ليلى ناجم

مالك يا هاد الزمان عاطيني بالگفا نهار نگول لقيت ساروت لقفل و الباب المسدود تحل ؤ بان منو الرجى والخير علي طل نلقى فخك ف الرجل وحل نزف الجرح ؤ سال من الدم مرجة و تقطع النعل ؤخليتيني نتمشى بالحفا ----- من رحبة الصبر كيلت ليك قنطار ؤ ضنيتو فيك يكفى زرعتو حبة حبة وتسنيت تجي الصبا ؤ نجني الثمار هبت فيه ريح غدرك هبة صاگت التبن والحبة م بقا لي غير الغبار والقلب شعلت فيه النار ؤ مزال زايد في تتشفى ...... ليلى ناجم