ف دوار المتاوية - ادريس جبيلو

الكلمة تتسرسب ف البوق رقاصها ف كفة وكف وفاكية بحر الشوق رياصها قفة وكنف ياالقاصد حروف الشروق انغامها سفة وسف الوزيعة ماتلحق الحلوق ريعها زفة وزف وداك الطال من فوق سعدو دفة ودف ف دوار المتاوية والحقوق البشارة زدفة وزدف الدم كسا الخروق والنفس حالفة تجدف وجهي مني مسروق وانا ف لفة وصف وفداك الدرب المعشوق عيون دامعة تاتنشف بكاها اصبح شلوق قاستو العفة وكشف الرماد ف الكانون محروق والمقلة مصرفة بالسلف والدرهم عايم فالسوق ماحشم حرفة بلا كتف

بقلم ادريس جبيلو