كلام بين لشفار - بوعلام حمدوني

يرحل الشوق يودع لوكار و يبقالي في الذكرى جار ننظم بيه بيات من لشعار توشمها الدمعة بين لشفار ترياق لسموم لوهم الغدار تتفاجى روح م هم لسرار تذوب عواصف من لغبار غزات الگgلب ك لستعمار و ينور الليل ب زين لقمار يعانق حلامي ب افتخار فايحة ب هيام من لخيار كي الورد يتفتح و يحمار ف مراسم لبها يروي لعمار أيام باقية تغرد لحن لقدار قصايد نخوة م فم لحرار تزيد ف لقدر و ترد لعتبار ل شوق لحباب ف عز ديار لوهام ما يطلع عليها نهار يحرقها الود ب صفا لنوار و يولي الحب العايد البار

بوعلام حمدوني وجدة ، 26-01-2018