مشات ليام - بوعلام حمدوني
- Admin
- ٤ يناير ٢٠١٨
- 1 دقائق قراءة
مشات ليام - بوعلام حمدوني
---------------------------
مشات ليام والشوق مالي جفوني موج فايض نازل نيران م عيوني لهيب يطلاوس مع هبال جنوني خايف من رموش البدر يذبحوني العين تشهق ب نظرات مرمدوني مشاو ف عجاج ليام و هجروني و أنا غافل بين قدار حيرت لوني عديتها خطوات ل شط ظنوني حاير الخاطر ف كليمات باعوني هاض لغياب ب فكار ب لاموني م وسط سرار متخفية ف كوني علاش هايم ف شواق ما حبوني غير دغدغو نبضاتي و هملوني ب علقم م جفا هاوي يوردوني قفز لعقل م عويل وهام عذبوي بين هدير حروف تحسن عوني و تكسر هواجس هموم غبنوني نبني من جديد حلام يحملوني من رمال صحاري كانو جرفوني لولا شغافي الصافي م رحموني
بوعلام حمدوني وجدة ، 04-01-2018