دندنات نجية - نجية عماري

دندنات نجية - نجية عماري

------------------------

1-

دندن يارسي دندن

دندن ياراسي دندن.... دندن على شتى لي صبحات خريف... من فعايل هذا او هذا... ولات لقطرة لي في سماء بخيلة... دندن ياراسي دندن..... على لحشمة ولات عديمة.... البسمة عقيمة بين النياب.... او الدمعة سريعة في عين الكذاب.... دندن ياراسي دندن..... دندن ع لعشرة لي هانت ع لحباب...

-----------------------------

2-

يا الليل

انت لي تغرس اڭمرةفي وسط ظلامك تبقى زهرة منورة في سماك ساحر الكون بميعادك تتحزم بنجومك وتنشر سكونك بيه تنعس الفايقين وتسافربيهم فوق حلامك يا الليل قلبي صبح مغروم بيك... يتحسس ريحة المسك لي في جنابك.... يتسنى اويتهنى بنزولك.....

----------------------------------

3 -

بغيت مرايتي

تتكلم او تقول.... بلي غدا كل شئ غ يزول.... لغدر يمشي من لوكر يتخبى في لجبال.... او الخاين يتكيل بالحبال..... بغيت مرايتي تنطق او تقول براكا من لهبال بغيت مرايتي تصير حمامة توصل المرسول تغرد وتقول هادشي صح ماشي منقول... السلام ماشي فصيدة لي عمرها مايطول السلام ما شي حروف في مقال.... السلام انا وانت وهما ...هو كل الاجيال

----------------------------------------

نجية عماري