بين هاداك وداك - ادريس جبيلو
------------------------------
هاداك انا داك الخليل داك المعطي داك القنديل داك المسطي داك الهبيل داك المزرطي من كرش امه اللي ضن شمتوه اولاد عمه اللي سبقوه هما صاموا وهو فطموه
هاداك انا داك اللي كبر وكبرت معاه الاهوال الزمان بان له بحر والمراة شافها موال مشافش ريوس الحجر والفوام مجلدين گوال بهم فحياته يتقهر ومايفكه عوال فصحته يتقهقر وماتنفعه اموال لاباس اللي كاين القبر ولاتكتر تسوال
بين هاداك وداك كنت انا باقي قصيدة مامكتباش حروف مامفهوماش براءة مامتهوماش ضحكة مامغشوشاش وفرحة مامزيفاش كنت حب فقلب امي محفور بصورتي واسمي بلا علمها وعلمي يقوي شوكتي وعضمي يمكن لساني في فمي وعمرها ماشكات همي
-----------------------
بقلم ادريس جبيلو المغرب