زلزال الصويرة - ادريس جبيلو
-----------------------------
فضيحة على فضيحة وتسرسبت الفضايح شكارتنا مليحة والنمل ليها رايح النفقة شحيحة وسخية عل الشطايح الكورة طلقت الفيحة والخيل بلا صفايح ركيزتنا صحيحة والسوس ليها جايح ماني سهم الدبيحة ولحمي مني رايح الجوع كي الجريحة والگلب ضعيف ونايح آش هاد الريحة الدگيگ يالالة فايح آش هاد التشرشيحة الواگف عسف عل الطايح العيالات كي الشريحة الدم منهم سايح آش هاد الترزيحة شي مات وشي يتصايح زلزال بتفويحة ما كتبه قلم فلوايح الجبوه والسنطيحة والتصويت عل الوشايح
-----------------------
بقلم ادريس جبيلو المغرب