طار الحيا(ء) - ادريس جبيلو
---------------------------
قراها طايرة حسابه دمغي الكسدة بايرة ماتلاغي فجواب احنيني غير اديني مابقى لمن تخليني لا حب يفاجيني لا امان فمحراب مللي كانت العصا كان كلشي مگود مللي تحيدت القرصة طار الحيا(ء) والحجاب كلشي تفلس وعواج المنكر كشكش وفاج الغرسة سكنها الخماج وزرگت علينا الناب ايامي بحال ايامه كلامي بحال كلامه وعلامي بحال علامه علاش اختلفنا فالكتاب شوف ما شفت وقرا ماكتبت تعرف علاش غبت مللي تلف لي الحساب
--------------------
بقلم ادريس جبيلو المغرب\