واحد من حلالة - ادريس جبيلو
- Admin
- 15 أغسطس 2017
- 1 دقائق قراءة
واحد من حلالة - ادريس جبيلو
-----------------------------
بردعت عاري وتوكلت ع الله لحت الشواري والحرف علاه قياسي وعباري ف الحب دواه دخلت للسوق حطيت سلعتي ل عيون الشوق ضوات شمعتي حرفي معشوق علات سمعتي جوج خوت حتى الموت يبقاو فتوت تلاتة زجالة واحد من حلالة وجوج بوهالة اربعة د الكراب الغرامة محراب وهتوف بلا حساب الخمسة جديدة مفصلة بالتنهيدة حروفها شحال لديدة الباقي سباعي ؤولد شهرو تساعي مايتعجن ف گصاعي قلم شعاري نحلم ببكاه ف حجر اسراري الحاكم ماحكاه ف لسان الدراري قوافي مرساه لفوق لفوق قلزت وديعتي وبكى الشوق ملاح زريعتي يخصك دوق ياالسامع ليعتي
------------------------
بقلم ادريس جبيلو المغرب