لقصيدة هيامي - بوعلام حمدوني
- Admin
- ٤ أغسطس ٢٠١٧
- 1 دقائق قراءة
لقصيدة هيامي - بوعلام حمدوني
-------------------------------
نظمت قصيدة ب حروف ﻭﻻﻓﻲ و كلام يسطر ب مداد خاثر حنين سايل رقراق م غدير شوق صافي بين عشاش حلام ب ركايز سنين وتادها تتبرم ف رماد نور طافي رمقتني الزايخة ف رمشة العين جرحتني ب نظرة ك رمح خافي و لعقل تلف ما بين حروف الزين يهدري كي المجنون ب شغافي شافت فيا شوفة ب طرف العين و رمات لي نظرة ب كلام حافي گgالت ف كليمة روح يا مسكين الله يجيب لك شي دوا يشافي م بلاوي غرام يضرب ف الحين زين لكلام منك ب المعنى كافي ما قادين نكملو هاذ لعمر حزين مع رفيق غايب يعشق يحافي و لا حروف تدمع ب موال أنين تبقى لقصيدة عشقي و ولافي بسمة حب بين حبابي الغاليين
----------------------------
بوعلام حمدوني السعيدية ، 04-08-2017