بنات كي بناتي - ادريس جبيلو
----------------------------
كان زماني زمان المراة كانت لالاه وقار وحشمة وشان خبزها لديد ماحلاه عنصر صافي ف الفدان السواقي تجري ب ماه عودها روح وريحان تفوح الرحمة ف سماه سرها عطف وحنان والقلب هشيش راشماه عرش ل مولاي السلطان ف قلعة مملكتها حاضناه
كان زماني زمان بين بنتي ومراتي كان نوار بللعمان عشق لالة مولاتي والحايك والجلابة والقفطان سر بهى ليلياتي التكشيطها مقصها العصيان من بنات كي بناتي عينيا ماكانوا عميان الجلالة من مراتي وحماتي غاروا من بنت العلمان ونساو اصل صلاتي
كيف الزمان يتبدل ووقات ايامو عامياه كيف المراة تتبهدل زينها منها رامياه كيف وردها يدبل بريشة الحمر طالياه كيف لباسها يتمندل لحمها منو جالياه كيف لسانها يتصندل بحروف حالها غاوياه كيف ضوها يتقندل وهي بيدها طافياه
--------------------------
بقلم ادريس جبيلو المغرب