ورقة ف كتاب - ادريس جبيلو

----------------------------

طللت م الشرجم بانت روحي حروفها تتكلم معانگة لوحي حكمة معلم مسطرة بوحي قاموس ومعجم ف صنصال شروحي

طللت م الفوق بانت لالة مولاتي شروق ضاربة محالة فراس السوق جامعة قجلة تحرق الحقوق باغية اتفلى

طللت م الباب بان عقلي ورقة ف كتاب تحكي فالي قدر ومكتاب يصرفو املي هندسة وحساب ف محراب احوالي

طللت ف السما لقيت حبيبتي غارقة ف الما تنشد عنايتي النعاس ف الحلامة ماقصاد عوينتي السحاب بالحملة افسد قصيدتي

طللت قدامي بان لي فلوس مولوع ورامي مالكو موس هاداك حزامي خصو الفلوس ولدي حرامي يضرب الناقوس

طللت مورايا بانوا صبيان ف حجر الوصاية عاضين بالسنان لاسقين ف مرايا مهرسة من زمان ماصلحتها وقاية مانسخها فنان

-------------------

بقلم ادريس جبيلو المغرب