على الهامش - محمودصلاح السيد
------------------------------- سألونى أنت مين أنا اللى واقف على الهامش ومحدش يعرف لى ملامح أنا المنسى أنا السارح أنا الماضى أنا أمبارح وفى الحاضر أنا مش حاضر مجرد أسم على السطر مركون على الرف وفى المستقبل هم كبير ولو موجود هكون أنا مين أنا لاأبن باشا ولا أبن وزير أنا أنسان بسيط ومحصلش أبن غفير أنا آخر أسم على السطر وآخر واحد مسموح له يوقف فى الصف أنا اللى راحت عليه وقالوا أكلته القطه يابيه أنا اللى داسه القطر أنا المصنف عشوائى أنا الصداع المزمن فى كل وقت الصبح والظهر والعصر والعشا على جحرك بيتك بيتك لكنى مش ساكن قصر وعلشان دايما عايش على الهامش فاكرينى من غير أصل دا أنا الأساس والفرع والأصل متصدقش كلامهم دول شوية بنى أدمين كسر ملهمش غير فى السرقه والهبش سرقوا منى الإنسانيه وخلونى مجرد نقطه على السطر فى آخر ورقه فى كتاب على الهامش فى آخر فصل مع أنى بلافخر أفخم عنوان لمكاسب العصر لكل واحد غاوى يدخل فى مزاد أويحقق على حسابى النصر وهو يطول وينول وأنا هفضل مجرد نقطه على السطر كلمات محمودصلاح السيد31/7/2017