الدجاجة بغات تفگس - بقلم ادريس جبيلو
-------------------------------------------
الدجاجة بغات تفگس وتفرح ب وليداتها لگات الحال تغيس خافت يمشگو رجيلاتها الزمان كحال وسوس مانوات يطيح سنيناتها الحرف رشى وتهرس مانضم وتغنى بكليماتها العقل داخ وتهوس وهربو عليها تخميماتها الضلام جار وعسعس وتلف الكحل ف عويناتها
الدجاجة بغات تفگس وتوري حنة يديها لقات جارها تبحلس وبكات لحالو بعينيها غادي تايه ويگسس مالحق حاجتو يقضيها على حبل ليام يعسس والحرقة ماعرف يطفيها ركبو لهبال وتفلس حياتو ضاعت باللي فيها يحسب النجوم ومتلس نفسو كيف يرضيها
الدجاجة بغات تفگس وراجلها مايعاود زواج لگات زهرها تقوس ماتلى ينفع ف إدماج الجور فقلبها اتغرس نوض سرافايل وعجاج دمى الجرح وفرس خيوط الرحمة ب امواج ف مراية الدات مانعس حتى اتخنق سرها وعواج تهان علمها وتنكس وخلات البيض مراج
-----------------------------
بقلم ادريس جبيلو المغرب