في الدنيا راني غريب - أحمد الناصري
-----------------------------------------
بقيت ف الدنيا سارح وفي غرايبها منسي طايح وف عيوني بانت حليب... نسيت راسي منها رايح غير البؤس منها سايح ماعندها صاحب ولا حبيب... وهمتني كأني فيها غادي ندوم وما فكرتني باليوم المعلوم وما قالت لي راني فيها غريب... عرفت بنادم غير فيها ملموم وكل واحد نهارو محسوم ويقول كنت غير ف عزيب... عيق وفيق ودير الخير وطلب من الله الاجر الوفير شحال من حوتة تجرت بسبيب... اعبد الله نعم المولى ونعم النصير والاسلام دينك ومحمد هو البشير والقرآن دوا ولصدرك طبيب... ماتخلي الدنيا عليك تضحك وتيه معاها وف راسك تشك وفين تحط راسك ليه تصيب... ياربي ماسوات جناح بعوضة عندك الدنيا والنفس حالهم مايسلك من رحمتك راني ديما طليب... أحمد الناصري