بلادي حبي الكبير - ادريس جبيلو
- Admin
- 6 يونيو 2017
- 1 دقيقة قراءة
بلادي حبي الكبير - ادريس جبيلو
-----------------------------------
بلادي يابلادي ياٱرض جدادي ياورت اولادي ياحب الامير ياكرم الوادي ياورد الجرادي ياحروف مدادي ياحبي الكبير السمطة دايرة مزيرة لحزام والكلمة حايرة مزيرها التخمام بارك م الكلام الخاوي ٱداك البهجاوي ٱداك البيضاوي ٱداك اللي داوي ٱداك الطنجاوي ف الگويرة عندي دويرة جنان وبحيرة وم الخير خميرة وعبد الجواد واحد م الجواد همو يزرع شي عواد ف الساقية والواد يحيي سنة الاجداد اللي زرعو وكلينا وحنا نزرعو باش ياكلو كل طري وحلو اگلس ٱلباسل انت باسل وداير لي فيها ول لحلو اغرف وطلع الدلو اسقي الجواد والعواد وكل صغير تزاد بارك م العناد راه العافية ماتخللي غ الرماد ٱالشاوي آالهواوي معاك انا داوي كرموسنا حلو وغاوي طايب ولاوي ماخصو غ الشريط زلگ وعلگ ف الحيط والخير يشيط لاولاد سويط خوتنا ولاد عمنا نهزو همهم وهمنا وخيرنا نقسموه كلنا آالرباطي خبزي تحت ايباطي اسمع عياطي ماحرگوني ع شي دمعات ع الحگرة اللي طغات ع القهرة اللي ضلمات الولادة اللي قرات وعند البرلمان بكات بلادي يابلادي ياٱرض جدادي ياورت اولادي ياحب الامير ياكرم الوادي ياورد الجرادي ياحروف مدادي ياحبي الكبير يتبع....
بقلم ادريس جبيلو المغرب
تعليقات