ايه يا بلادي ! - نورالدين كنز
- Admin
- 3 يونيو 2017
- 1 دقائق قراءة
ايه يا بلادي ! - نورالدين كنز
--------------------------------
ايه يا بلادي !
يا زينة البلدان
نقبل ترابك يا بلادي
واخا تنمشي عليه
بسباطة و لا حفيان
و نفديك بدمي يا بلادي
و نعطيك عمري في آن
ايو يا الحريفي
هاراك العيوط
بالكَنبري و البندير
و زيد كملها بالميزان
و خلي طعريجة تسيح
ما بين الموازنية و العيوط
و كَول لي الخاوة
بالله كَول لي
راه عشق ابلادي
راه زاد داني
و ما هناني
حبه كبير في
كَلبي
من صغري
حتى زاد كبري
اه الخاوة كَول لي
راني نموت على
بلادي
أرض الشرفا
و العامة من
جدادي
ايه يا بلادي
يا وردة في كل
فدان يعشقها كل
ابناء بلادي
من طنجة لكَويرة
بكل محبة
ايه يا سيادي
و حب الله اطغى
و كمل مرادي
و علمها مغروس
في كَلبي
زاد في حب وطني
و لا تسال على عشقي
في الهمام سلطاني
ايه يا بلادي !
------------------------------------------------
نورالدين كنز / البيضاء عين الشق / المغرب
Comments