امر الدنيا - جبيلو ادريس
--------------------------
كلنا كنعرفو الحق والامر امر الدنيا كلنا كنخالفو الصدق ونگولوا هانيا احنا اللي تبعنا البرگ ونسينا الرعد والشتوية الزغب ع المعيزة لصق فطاطا وحنطاطا والشاوية راب لينا الشفق وصعابت الوقت ف السروية كلنا كنعرفو الحق والحكم حكم الدنيا ماتطمع تشم حبق ولاتاكل طعام ف قصرية حمل الواد ولعق رزق الجواد م المطفية وعباد ناسفة التفق كي بحور المدن الساحلية لاتيق ماكاين ع الدق لاتگول ماگالها ليا كلنا كنعرفو الحق وشكون يعصف هاد الدنيا
--------------------------
جبيلو ادريس