يا بني آدم لا تتكبر - أحمد الناصري

يا بني آدم لا تتكبر - أحمد الناصري

----------------------------

فينك يالي تدوي وتهدر وعل المسكين منفوخ ومكبر وظهرك ديما ليه موريه ؛؛؛؛؛؛؛؛ ماعمرك تربح وديما تخسر وعظمك مهرس وما يجبر ورزقك من الله وهو عاطيه ؛؛؛؛؛؛؛؛؛ ماتكون للخير ديما مقصر الموت كاينة ولابد من القبر كون مومن شريف واخدم ليه ؛؛؛؛؛؛؛؛؛ حياتك دواها دين وحنان وصبر وربي لقبرك راه ينور شحال من قبر لمولاه بنارو كاويه ؛؛؛؛؛؛؛؛؛ عبارك ربع صباع وشبر وكفنك يتشرى وماليه تحظر والحسنات هم بنكك وما ساويه ؛؛؛؛؛؛؛ لا تنسى ظلمة داك القبر ما تبقى ليك لا فيلات ولا قصر وهو السكنى وماانت موالف بيه ؛؛؛؛؛؛؛؛ اعمل الخير وكون فيه تفكر الدنيا فانية شحال ما طال لعمر وربي مالك الكون وهو حاصيه ----------------------------- أحمد الناصري