رافة بالناس - ادريس جبيلو
-------------------------
داك الشجرة منها تغدينا كانت عشرة تحتها تمدينا فحلاوة الگمرة فالصهد يلا اتگدينا بعودها فالسمرة جمعتنا وتدفينا سنين معمرة مازرعناها بيدينا
زرعوها الاجداد على كلمة ترحم الغراس عاد ومعاد طبقو الحكمة رٱفة بالناس جاو الاولاد قطعو الما والشجرة قتلها ليباس مارسموها بالمداد تبقى وشمة يشتاق لها الفاس ماغناوها انشاد فلوحة الحلمة تبكي بلا قياس نتمناو الاحفاد يديروها نجمة تسكن كل راس ويزرعو عواد شجرة النغمة ويتسگمو المراس
داك الشجرة منها تغدينا كانت عشرة تحتها تمدينا فحلاوة الگمرة فالصهد يلا اتگدينا بعودها فالسمرة جمعتنا وتدفينا سنين معمرة مازرعناها بيدذنا
----------------------
بقلم ادريس جبيلو المغرب