من الزيرو - ادريس جبيلو
------------------------
من الزيرو جا الليف اللي ماعندك عيرو بشق النيف عاش فسريرو رطيطب ورهيف تاشي مايديرو تشريف بلا تكليف لحس حويرو وشد الصف للتصنيف خدا مصيرو وتمدد عريف طوال جديرو تكوينو ضعيف فعرافو نميرو يحرس الريف ويجيب مانصيرو فلوس ولفيف ودم معصرو من جوف االهيف وكرى ضهرو لمول السيف طوال عمرو ولا قصار كيف اليوم جرو كي الورقة خفيف لحق قبرو مابقى خصو تزقليف ورجع للزيرو فيام الخريف تبع نضيرو الخالق فالصيف كيف نديرو مايدوم شريف ولا غيرو فالقمة او فالرصيف كلها وتدبيرو وانا وياك غير ضيف
-----------------------
بقلم ادريس جبيلو المغرب