غدا الديربي - الحسين شديل
--------------------------- ديرو عقل وبراكة من الطيش لا تخليو الكورة جلدة تعاديكم ربيو الحب وخليوهم اعيش يكبر في قلوبنا الله يجازيكم حرام وعيب بسباب جوج الوان تزرعو العداو والفتنة في الوطن وتتسبو الضرر لصحابكم وداويكم اشنو الفرق بين الوداد والرجا بصداعكم ما بقات تحلى الفراجة كرهتونا في الكورة حرام عليكم كل واحد حر يشجع اللي بغا براكة علينا من الانفصال واللغا واش جمهور الجيش غريب عليكم كيف الحسيمة كيف الكوكب انا بعدا طاح في يدي العجب ماعرفتو ماتش الكورة ولا حرب تخربو في البلاد اللي ليكم اشنو الفرق بين الحسنية وبركان اشنو الفرق بين قنيطرة وتطوان يجمعنا الوطن والدين حنا اخوان لا تخليو الشيطان يغويكم من طنجة الكويرة بروح الاسلام بروح الاخوة والوطنية بغينا اسلام اليدين تتسالم والقلوب تلتاحم مابغيت جماهيرنا تتخاصم تتقاسم رجاوي ولا ودادي كنبغيكم
-------------------------
الحسين شديل