ماشي لخاطرو رقم2 - ادريس جبيلو
---------------------------------
يلا داك الجمل برك ماشي لخاطرو بقى يشم يباطو وكتر وعلا عياطو بقى يحلق ويطير بالغنا والتصرصير مللي هز الحجاب مالقى حتى باب ينتف منو مخناب يتعاون به على داك الناب اللي خصو مايمضغ والدم لوجهو يصبغ مات فيه الطموح ؤولف گلبو ع الجروح عيى بالتعواج وبقى بلا زواج يلا مابيدو حيله ضرباتو التدهديلة وعاش حياتو دليله كانو يگولو بكري اقرا اصغري ل كبري اما اليوم حرت بكري يلا بغيتي تكري ويلا داك الجمل برك ماشي لخاطرو
بقلم ادريس جبيلو