علاش - ادريس جبيلو
- Admin
- 14 أبريل 2017
- 1 دقائق قراءة
علاش - ادريس جبيلو
---------------------
علاش نبكي ونوح وقلبي مدمي مجروح
لساني ماسقل م البوح وصوتي وللى مبحوح الحوار قانون مامسموح والسوط مايعدر الروح علاش انا نصوت ونعود نحيح ونغوت همي هو نتقوت ماشي ف المناصب نفوت ع الرزق نقيل نحوت ونروح مقهور مفوت
علاش انا المقصود يتعاقدو عليا العقود ف الواجهة انا موجود وف العمق انا مفقود ف رايهم انا غ مزيود دبانة ف راس العود علاش انا نصوت ونعود نحيح ونغوت همي هو نتقوت ماشي ف المناصب نفوت ع الرزق نقيل نحوت ونروح مقهور مفوت
علاش بحت وماتيقوني بلا تهمة لسقوني هولسوني وحمقوني لطموني وسرفقوني جيفوني وخنقوني وبالاعدام شنقوني علاش انا نصوت ونعود نحيح ونغوت همي هو نتقوت ماشي ف المناصب نفوت ع الرزق نقيل نحوت ونروح مقهور مفوت
بقلم ادريس جبيلو