الغدر - ادريس جبيلو
- Admin
- 4 أبريل 2017
- 1 دقيقة قراءة
الغدر - ادريس جبيلو
-------------------
لله يالصحاب واحنا كلنا احباب ف الكتاب علاش كنشتوني بين السطور سجنتوني انا حررتكم وانتوما قيدتوني حبكم ف قلبي عشق مايفارق وده وإخلاص ماينقض عهده علاش محنتوني تماطيتو وٱدتوني وانا المسكين ف وعده نساير الزمان ونكده مالكم كفنتوني وحي باغيين تدفنوني حافني الجفى وضربني الغدر للگفا لله علاش هجرتوني مشيتو ماسولتوني انا اللي ف غرامكم هايم وف بحور هواكم عايم يلا غرقت لا تنقدوني نموت اخير ماتهينوني وانتوما اللي فتنتوني
---------------------
بقلم ادريس جبيلو
تعليقات