كتبو للضروف - ادريس جبيلو

----------------------------

ياهل الكلام وبوح الالهام مال الاستفهام قج الاقلام ف الالف واللام وخللى الكلمة ف داك الحلمة حروف مبهومة ماواضحة مامفهومة ومن حقها محرومة

ياهل الحروف كتبو للضروف زمانها المجحوف بمعنى معروف وبالحكمة موصوف يربي الاجيال للمستقبل رجال لحياتهم ابطال يطردو لهبال ويحقو الآمال

ياهل القصيدة والكلمة الصنديدة فالقصة الجديدة مولات العصيدة بلدة الگديًدة اللي كانت مصيدة لداك الفم المحلول وداك العقل المهبول اللي كواتهم البتول بالقول المعسول والفعل المدلول

-----------------

بقلم ادريس جبيلو