( كَالوا ) - نورالدين كنز
------------------------
كَالوا زمان
الحر بالغمزة
و العبد بالدبزة
و الجاهل معذور يا حضرة
و الضعيف يطلب الخبزة
و الغني يقلب على الدبزة
و شي يحفر الحفرة
و شي غردو غير العزة
و شي ينغز بالنغزة
و شي يتغرج بكل نظرة
ايه خبرتك و خبرتك
راه ، راه
و الغوت اوراه
ماشي شفار راه
و لا اشلاهبي و لكن راه
غير شماتة و من اعطاه
داتو الشكي و من ابغاه
و تيقول ما كاين سواه
و جميلنا في الهدور و كلشي اخلاه
حتى من البكم و اصمك انساه
و كَالوا ثاني
سامحوا البكم
الا تكلم
و المرغود الا خمم
و المكلخ الا فهم
و المصطي الا سلم
و الهبيل الا تعظم
و المتكبر معمرو يخدم
ما حيلته راسه و لا الهم
و كَالوا عود ثاني
غير حمم نيفك
و كَول راني من الحدادة
و هو ما ليه لا معنى و لا افادة
غير التقليد و العادة
و العادة نار يا سادة
و اشحال منه ومادة
و قومان عادة
في نفس الطربق ابلا افادة
انساوا ريوسهم و حتى في العيادة
و اخيرا كَالوا
هي هات
هي هات
الدنيا مشات
و جات
و دات طرف من الدات
و اندمنا على كل ما فات
------------------------------------------
نورالدين كنز / البيضاء عين الشق / المغرب