حالي يا حالي - نورالدين كنز
-----------------------------
كَالو أهل الغيوان
حالي يا حالي
و الناس حال و حوال
ما بين الميزان
مرة طالع مرة نازل
ايه لا تسال ؟
حالي يا حالي
و شحال يطول العمر ؟
و شحال ما طال
اجي انهارك بكل حال
ايه سعداتك يا فاعل
الخير لهو عكَبة طويلة
اصعيب تطلع ليها
مهما يكن الحال
حالي يا حالي
و شحال ما طلعت
الشمس راها تأفل
و يطيح الظلام
و يجي الليل
و هكذا الحياة
حالي يا حالي
كل واحد و حياته
كاين لحياته كنويورة
فايحة بكل حال
سوى تجذب و لا تكره
حتى تشمها الا عطات
و كاين لأيامه ظلام
هذاك قدره بكل حال
ايه الدنيا غير سوايع
لابد من عيشوها
بحلوها و مرها
ايه بني الإنسان
لا يغرك الجاه و المال
و الشطايط فوق الكتاف
راها توسخ و لا تشركَـ
ايه بكل حال
حالي يا حالي ...
---------------------------------------
نورالدين كنز / البيضاء عين الشق / المغرب