ف داك الايام - ادريس جبيلو
- Admin
- 13 مارس 2017
- 1 دقائق قراءة
ف داك الايام - ادريس جبيلو
---------------------------
ف داك الايام ايام الصابة كانت السحابة شتاها ك الضبابة تروي الحرث والغابة الفلاحة والكسابة والوقت بلا نصابة الرزة والجلابة واتات اصحابا ودارتهم احبابا
ف داك الايام ايام الحساب والتقرقيب والناب جا(ء) العداب المخزن عاب الرخا(ء) غاب الولد ساب الوقت خياب مابقاو احباب والهنا(ء) ماتصاب
ف داك الايام ايام التجميل جا(ء) جيل ماهو شمعة ولا قنديل ماهو عوينة وتسيل ف التفكير تقيل كلامه بلا دليل ف داته عليل مقتصد بخيل وع الفلس هبيل
-----------------------
بقلم ادريس جبيلو