رَاحَلْ جَوَّالْ - محمد حديش

رَاحَلْ جَوَّالْ - محمد حديش ----------------------------

صَفِّيتْ حْلِيبْ لِيّامْ مْراحَلْ

وَفَرَّزْتْ زْبَدْتي مَن فْرارة

بَيْضا غْطَّتها صوفَت سْحابْ

هْزِّيتْ رْحيلي رَاحلْ جْوالْ

مَنْ بلْادْ لَبلادْ مْسافَرْ فْمَوَّالْ

فَرْحي يْقَلَّبْ فِينْ يْدَگ لَوْتادْ

مَنْ حَطَّة لْحَطَّة رْحيلي تْقالْ

لاجَهْدْ وْصَّلْ حَلْمي لْبَرْ لَمانْ

وَلا سْفينْتي رْسَتْ فَمْراسيها

ديمَا رَاحَلْ فَبْحَرَ مْواجو جْبَالْ

مْصَبَّرْ گَلْبي عْلى زْهَرَ لْمَكتابْ

تْمَنِّيتْ حْبِيبي يْكونْ مْعايَا مْرافَقْ

يَحْلا تَجْوالي وَتْعودْ مْزِّينْها رِحْلَة

---------------------

23/02/2017 مجدوب الحرف