ايه شحال ... - نورالدين كنز
------------------------ اشحال من واحد غرتو الدنيا و قال ما بحالو حد نسى راسو منين مخلوق غير من التراب و عيشتو من التراب و غادي يرجع لتراب أيه غراتو الدنيا بجاهه و حب النفس و هو ما حاس بان يومه راه جاي و يبقاو ينوحوا عليه سوا كان غني و لا مقحت سهمو ما يساوي حتى كَرش هاد هو شي زين لمساوين فيه احنا كاملين كلشي لحفرة بلا عراضة ايه سعداتك يا فاعل الخير سوا بقليل و لا بالكثير و شي مكنز و شاد ايديه و حالتو ما هي حالة تشفي لعدا قاهر راسو و تلقاه غير بدربالة و حياتو غير مدبالة عايش كقانع في الزبالة غير بالخبز كارم و لا ارفيسة الخادم و هكذا امشات ايامه غير خسارة و زايدها بالهدرة و اضسارة مع القوم الضارة المغيارة نورالدين كنز / البيضاء عين الشق / المغرب