منْ اقساكْ - شامة المؤذن

منْ اقساكْ - شامة المؤذن

------------------------ من اقساك بسْوايعْ يا لِيام من اقسى طولك يا لْيالي

نْباتْ هايْمة نتْلاوَحْ بينْ لفْكار نصْبح عْليلة سْقيمة نْعاني

لْفرْحة للّي كانت مزينة لرْسام فرمشة،غَبْراتْ هجْرت ارسامي

شْميعة ف ليلة لقرآن طفات بين نسمات الذكر ؤ لقماري

لعين ما تغْمض نازلة ويدان نار شاعلة ف الجوف تڭادي

آه يا ربي لا لذة ف لكون بقات لا طعم لا حال يفاجي اهوالي

غُربتي فيكْ يا عُمري يااااااااه اقْبح من غُربتي عنْد لبرّاني.

------------------------ شامة المؤذن..2013