مين اللي قال في بطاله - محمد سالم
--------------------------------- وشباب مصر كلها شغاله ليه يا شباب الافتري وقلوبكم عليها قاسيه عرفينها ماشيه لورا المهم هيا ماشيه ناس فيها كتير بتسرق وناس تهاجر وتغرق وناس تغني من غير ما تعرق وناس عايشه شغاله في الازرق طب مصر هتجيب منين المهم فيها عايشين مصر عامله اللي عليها ومش مقصرين المسؤلين هيا بصراحه حبتكم ايه يعني لو خربان بيتكم مش انتو قلتو هتعلوها خليكم قد كلمتكم اتحملوها هيا بردو اتحملتكم وادوها ما هيا ياما اديتكم احمدو ربنا فلوسكم مرحتش بعيد ناس مصريين اللي سرقتكم اللي يتكلم طبعا يتشد فاخرصو وامشو ع القد مطيعين طول عمرنا والله ظابط يضربنا نعدله تاني خد بتاكلو وتشربو وفي موصلات وفي نت وبتعاكسو البنات عيش جبان وبلاش ميدان وانسي السياسه والمظاهرات من غير لحمه مش هتموت وسط الزحمه طلع صوت م الاخر مصر دي ملعب ناس بتهاجم ناس بدافع ناس بتشوط كل اللي علينا ان احنا نسقف ناكل طقه عشان نخف ونخفف عارض براحتك هنسمع صراحتك لكن عند رئيس وسياسه لا وقف خدو ايه اللي ماتو في التحرير غير كام قصيده وشويه تصوير لا مصر اتغيرت ولا هتتغير واللي عايزنه بيكتبوه في تقرير شباب كليات شغالين عمال وشباب في الغربه ومش بطال وبنات بتبيع مناديل وبنات بقت مساطيل وبنات من فقر اهلها اتجهت في الشمال غيرنا رئيس واتنين متقولو بقي وبعدين مين اللي ينفع فيكي قوليلنا الله يخليكي وقولينا نجيبو منين
-----------------------
قلم . محمد سالم