نخلة فى مدخل البلد - د.هشام الفقى
----------------------------- كان ياما كان: نخلة فى مدخل البلد..عالية وبَصة على البلد كام جيل مروا عليها..وهى واقفة زى العلم أو الوتد على عمرها وخير ربك إليها كانت بتعلَى وتتسند عدد السنين إللى عاشتها فى حينا عدد إللى عدوا تحتها جايين بلدنا عندنا عدد التمور اللى جمعنا منها عدد الجريد إللى ظلل على كل البلد عدد الولاد إللى لعبوا تحتها واسألوا كل الولاد وأصغر ولد إلا الولد ألعن ولد اللى نسانى عايز ينهى حياتى لأجل ما يبنى مكانى نسى زمانى,نسى الطير إللى معشش فى حنانى نسى النسيم نسى التمور ومزعلش علشانى سوانى بالأرض نزلنى من عالى وهدم لى بستانى كنت أحسبه إنسان لقيته إنسانى وفى لحظة رمل وحجر إحتلوا مكانى ضاقت عليه الدنيا يبنى فى بستانى وإن عدَى حد فى يوم يحكى لخلانى كان هنا نخلة وكان ياما كانِ ......................................... د.هشام الفقى