وجع - محمد العليمى --------------------- وجع زايد لروح مخنوقه بالافكار وبدون سبب ظاهر لان الدنيا ماشيه بمظاهر ولكنه اليوم المعتاد بيتعافى على المظاليم ويتخير ويتفنن وبيخطط ازاى يطلع روحهم وازاى يدوخهم ولا يوصف لهم يجيبوا الصبر منين ومهما تعاند او تحاول ولو مره ترضى بالمقسوم ولو حتى نقطه حزم او تفرمل سرعة الاقدار مفيش تمييز بين الغرقان فى الوحده وبين التهييس مع الفكره وافكار كلها مخلوطه بالامل على الاحباط فى لوح عجين من التبويز صراع نفسى وخوف من التخسيس ودعوه لكل خسيس يفارق الارض الطيبه بلا تخريب واسافر مع الامل مره وارجع شايل الخيبه بالمره على فوضى فى الاحاسيس وكفايا بقى تحسيس على الفاسد واتعلم التلطيش يمكن يكون حل لطلوع بكره ولو من الدهاليز ---------------------------- بقلم محمد العليمى