احلامنا ========= احلامنا فى الجبانه بتتزوق وتتجهزلشمس بكريه وعرس جديد وبتتمنى يطلع فجر يحميها ويغسلها ويلفها بتوب طاهر وتكون ايده نظيفه من التهبيش واعلام صامت او كلامه ظريف ومش عايزه حد يصوت على الخيبه وعلى التدليس والخسه مطرب بيهيص للمتاعيس والزفه من الكهنه وشويه حراس لحكام عواجيز والمفتى المملوكى خاب وباع علمه وكرشه كبير ولحمه رخيص والعطشان ساقوه ميه من المجارى يشرب ويهيص والعلاج تلطيش والجعان على طين امه اكله رخيص وحيات ترابك يا بلد الغلبان انا بقيت عريان وبتمنع بالعفه وتعبت من التهميش ومافى فى الكفن جيب للتهريب ولا لاقى لقوتى حتى رغيف ========= بقلم محمد العليمى