عَاجبِك كده ............. عَاجبِك كده يا حِنيِنة زهرة العمر الجميل من كل جيل راحت فطيس مين السبب يا للعجب رجعت ف كيس . عَاجبِك كده يا حِنيِنة دا كان شريف وطموحه صغير مش كبير وكان معاه ابنه الصغير تعب كتير يمكن ذنبه انه فقير كان نفسه ياما فــي هدمة و حق الرغيف كان نفسه يأكله في أرضنا كان نفسه يقعد وسطنا مفكرش يوم يهرب يا حِنيِنة لغربة ويبعد عننا لكن الظروف كان نفسه تعملي معروف وتوفري له الهدمة حق الرغيف . عَاجبِك كِده يا حِنيِنة كان واخد معاه الحلم هربان من الألم وكانت عينيه تنظر للسما شايفة الأمل لكن خسارة غرق وغرق معاه الأمل وهرب الحلم وزاد الألم . عَاجبِك كِده يا حِنيِنة راحت خلاص زهرة شبابك فين الإخلاص قلب بدون إحساس ليه قفلتي في وشهم بابك وقطعتي أغصانك من بستانك وبعدتيهم عن أحضانك بقوا في حصار وسط النار هربوا لغربة وبحر غدار مع إنها أقدار ياللعجب لكن قولي لي مين السبب؟
بقلمي/احمدالسيدالقاصي