باقة من زجل الحسن درويش - الحسن درويش

1 -

عْيُونَا سَرْقَة وطْيُور مْلاَح ظْلاَمْنَا شَمْعَة والْحَال صْبَاح شَمْسْنَا عَافْيَة ولاَ مَن فْلاَح خِيرْنا صَابَة والدَّنْيا تَشْطَاح عْيُوبْنا غَلاَّبَة ولاَخُر نَفْضَاح شْحَال مَنْها وعْلِيها تَنْبَاح أبركان 2016/08/02

2 -

اطْفَالْنَا وحْنَا مَحْرُومِين مَا جَات كَلْمة تَلْغِي الَمْسَاعْفَة مَنْها نْدَامَة وخُبْزْنا اكْلَهْ الْغِير مَن تْرَابْنا حَفْرَة هَذَا فَ هَبْ الرِّيح الحسن دويش أبركان 2016/08/01

3-

مَن نْحِير الْحَال طَلْعَت شَمْس سَاكَنة ولاَ دَلْوْ شَاف بِيرْ اللِّي كْتَبْها بْلا مْدَاد مَنْقُوشَة فْ الَحْجَر مَن صَمْتْها تَتْكَلَّم الحسن درويش أبركان 2016/07/31

4-

شَفْت الْوَقْت تَقْرَأ الزْمَان طَاعَن رُوحُه السَّر ورَاهْ ﯕَالو بْكَم هِيَّ اخْبَار صَفْعَتُه الْبَر رَحْبَة مَن الَبْحَر الشَّمْس دْفَاهَا وصَل الحسن درويش أبركان 2016/07/30

5-

مَن تْرَابْها تَحْت رَجْلِيك الْوَقْفَة ظَلَّك مَنْها مَمْدُود ونَاس فِيها كْثِيرة تَتْمَشى مَن زْحَامْها خَان رَاسُه ضْيَافَة عْلى بَاب الْحَال مَن حْلِيبْها حَدْجَة وعْسَل أبركان 2016/07/29

6-

عْجَنْت حْرُوفِي بَ الْمَا غْرَسْت مَنْهُم الْكَلْمة لِيكُم تَفَهْمُها زَعْمَا تْفِيقُوا مَن عْذَاب الْحُلْمَة رَاهْ مَن ضَوْها نُور وظَلْمَة لَكِنْ انْتُم بْغِيتُو تَبْقَاوْ تَم الحسن درويش أبركان 2016/08/03