فى الدنيا مش عشمان ولاطمعان ولاغاوي أكنز دهب ولامال ولا أعلى فى البنيان دا القبر تحت الأرض والكفن من غير سيال
أنا قاصد وجه كريم وراضي فى دنيتى بالقليل وأن طال بيا النهار أكيد هايحل الليل ليلى ليل ياليل
أسمع كلامي كلام موزون تصلح به ضعاف العقول أصدق ياولدى ولاتخون وخلى اللسان من الغلط معصوم وأن كترت عليك الهموم أدعى ربك يصلح لنا الأحوال ياليل ياليل
ما قالوا زمان فى الأمثال كل فوله ولها كيال وخفف على نفسك الأحمال لتقع على الأرض وماتعرفش تتشال ليلى ليل ياليل
غريب أمرك ياأنسان فيك قوة تهد جبال أياك تستقوي بها على الضعيف أو تستعملها فى الشمال وأستعملها فى الحلال وخليك شهم وكريم وساعد الغلبان طول ماعقلك فايق وشغال وطول مابتزرع الخير أكيد هتحصد خير ولماتقابل وجه كريم تقابل وأنت خفيف الميزان ومرتاح البال محمودصلاح السيد8/7/2016