البنت وأبوها الكل طلبوها من أبوها حبوها من ضحكها مع أبوها الكل عشقوها أسمع كلامها وأتامل جمالها بابا يابابا شعرك وقع من قدام أمشى أيدى عليه تتزحلق كمان يأموره دا أسمه كلام يابنتى السن وله أحكام وأنا صغير كان عال العال كان تقيل وكله تمام أيوه يابا راح فين أسألى عليه المدام لماخطبتها بدأ يتشال قبل ماتيجي كان تمام على اليمين وعلى الشمال حمال ومن النص خط الأنقسام دلوقت الشعر تلاته أربعه مني تبان بابا بابا ياسلام مش مهم الصلع كمان شكلك حلو يابابا جنان أنتي عندي دنجوان أنت حبيبي مهما كان وغلوتك بتزيد مع الزمان شكلك لايق وجميل كمان أكيد دا رأى أم العيال أسمعى مني ياأموره مش بالشكل ياروح بابا المهم تكون فى قلبك طيابه والمحبه تزيد وتبان تغطى على كل النقصان وتشهدى لبابا وماما فى كل مكان زى الشاعر أبو ربابه المظهر بيكون ستاره طول ما الجوهر والمعدن أصيل اللى يأخدك يحمل لبابا وماما الجميل ويشيلك فى حبابي العين تعوضيه عن شعره اللى راح وتكون له مأوى وبارح وتصوني قلبه من الجراح بقلم محمود صلاح السيد7/7/2016